Padayon nga nanawagan ang mga Overseas Filipino Workers (OFW) sa embahada sa Pilipinas sa Lebanon nga wagtangon na ang gipatuman nga alert level 3 (voluntary repatriation) sa maong nasod.
Kahinumduman nga Oktubre 2023 gibutang sa Department of Foreign Affairs (DFA) ang Alert Level 3 tungod sa nagkainit nga tensyon tali sa Israel ug Hezbollah sa Lebanon tungod sa pagpangatake sa Hamas.
Ilawom sa Alert Level 3, ang mga Filipinos sa Lebanon gimanduan nga mag-voluntary repatriation o boluntaryong mopauli sa nasod.
Buot sa mga mamumuong Pinoy sa Lebanon nga kung mouli man sila sa Pilipinas tugutan sila nga makabalik sa pagpanarbaho sa Lebanon.
Sa pagkakaron, ingon sa mga nagprotestang mga mamumuo nga gustohon man nila mouli sa Pilipinas para sa ilang pamilya, nabalaka sab sila nga mawad-an ug panginabuhian sanglit di na sila tugutan pa nga makabalik pagtrabaho sa Lebanon.
Facebook Conversations