Sumala pa ni Dr. Julinda Acosta, Technical Division Health sa Davao City Health Office (CHO) atol sa I Speak Media Forum Huwebes sa hapon (April 4) nga ang upat ka bulan nga bata wala makadawat ug bakuna samtang ang tulo ka bulang bata nakadawat lang ug usa ka dose sa pertussis containing vaccine.
Dugang ni Acosta nga dunay pito ka suspected pertussis apan subay sa resulta sa ilang confirmatory test negatibo sila sa maong sakit.
Giklaro hinoon ni Acosta nga walay outbreak sa pertussis sa Davao City. Nagplano karon sa CHO nga mulusad ug periodic intensification of routine immunization aron mapugngan ang pagdaghan sa kaso sa pertussis o whooping cough.
“Magkaroon kami ng catch up immunization gikan sa nag-edad sa zero to 23 months old.” Kadtong mga bata nga wala nakatapos sa ilang bakuna, ato ning pangitaon, we are doing now active masterlisting of defaulters immunization. Katong wala nahuman ug katong due na for bakuna dapat ma-inform na sila , maadtuan ug para mabakunahan sila timely para di nato tagaan ug chance ang kagaw nga mutakod sa ilaha,” matod pa ni Acosta.
Ang unang kaso sa pertussis natala Agdao District samtang ang ikaduhang kaso natala sa Barangay 9 o sa Poblacion District.
Giklaro hinoon ni Acosta nga naka-recover na ang duha ka mga bata.
Maingon nga pertussis kung ang ubo niluntad na sa duha ka semana uban sa hutoy ug pagsuka tungod sa paspas nga pag-ubo.
“Kini pinaagi sa bacteria hindi po siya virus. So when we speak of bacteria kelangan nato ug antibiotic to minimize serious complication,” sumala pa ni Doctor Acosta.
Facebook Conversations