Gikumpirma sa tigpamaba sa National Disaster Risk Reduction and Management Council (NDRRMC) Assistant Secretary Bernardo Rafaelito Alejandro, IV nga lima ang namatay sa Bulacan ug unom ang missing sa Camarines Norte sa pagkuso-kuso sa bagyong Karding.
Sa briefing sa NDRRMC Lunes sa hapon, gipaabot ni Alejandro ang pagbangutan sa NDRRMC sa mga pamilya sa 5 nga namatayng rescuers.
Matod sa opisyal mupagula ug opisyal nga report ang NDRRMC sa hinungdan sa pagkamatay sa mga nahisgutan.
Gitahu ni Alejandro nga anaa sa kapin 20 mil pamilya o halos 79,000 indibidual ang gipailawom sa pre-emptive evacuation sa Regions 1,2,3,4A, 4B, 5, NCR ug Cordillera Administrative Region.
Dugang sa opisyal nga kung itandi sa nakalabay, mas motuo na ang mga tao kung ipabakwit gikan sa mga peligrong lugar.
Samtang, anaa sa kapin P141 billion ang damyos sa bagyo sa Agrikultura, samtang gihulat pa ang opisyal nga tahu sa kadaut sa imprastraktura.
Mga sundalo ug reservist sa Philippine Army paspas niresponde sa mga apektado sa bagyong Karding sa Nueva Viscaya. Hulagway gikan sa Philippine Army
Facebook Conversations