Gipadala sa nasodnong kapulisan ang Special Action Force (SAF) sa Tubaran ug Malabang Lanao Del Sur human gipailawom ang duha ka munisipyo sa Comelec control.
Sumala pa ni Major General Val de Leon sa PNP Directorate for Operations, ang dugang seguridad sa Tubaran ug Malabang tungod sa posibleng pag-atake sa mga local terrorist groups.
Sa pagkakaron, matod pa gipahugtan sa PNP ang mga checkpoints sa nahisgutang lugar.
Kalabutan niini, gikanayon ni De Leon, nakighinabi na sila kang Comelec Chairperson Attorney Saidamen Pangarungan tungod sa plano sa mga local terrorist groups nga isabotahe ang eleksyon.
Nakig-alayon na usab ang kapulisan sa Comelec sa pagmonitor sa uban pang lugar nga dunay hulga gikan sa mga lokal nga terorista.
Kalakip sa ilang gibantayan ang extortion activities sa mga teroristang komunista sa mga kandidato sa eleksyon.
Facebook Conversations