Paspas nga narespundihan sa kapulisan ug kasundaluhan ang usa ka pasahero nga nanganak sulod sa gisakyang bus.
Kini human nagpatabang ang konduktor sa Mindanao Star labot sa pasaherong nanganak.
Giila ang inahan nga si Grace B Cudog, 23 anyos nga residente sa Makilala, North Cotabato.
Nasayran nga wala gidawat sa usa ka ospital sa Bansalan, Davao del Sur si Cudog tungod kay wala kini ikahatag nga down payment sa pagpanganak niini pinaagi sa Ceasarean Section (CS).
Gisaysay sa kaipon ni Cudog nga si Jemar Munting, 29 anyos nga tungod kulang ang ilang kuwartang pang-down sa ospital, napugos sila ug balik sa Makilala, North Cotabato sakay sa Mindanao Star nga niadtong tungura nagbati na ang iyang asawa.
Anaa na hinoon sa luwas nga kahimtang ang mag-inahan human dali nga naamuma sa mga otoridad.
Hulagway: Davao del Sur PNP
Facebook Conversations