Sumala pa ni Azurin, iyang lauman ang Police Regional Office (PRO) 2 pinaagi sa Abulug Police Station nga muhimog halawom nga imbestigasyon sa insidente aron matumbok ug masikop ang mga responsable sa krimen.
Dungan niini, gipaabot ni Azurin ang iyang pagbangutan sa pamilya sa biktima nga giilang si Police Major Rafael Tangonan, na-assign sa Regional Finance Service Office 2.
Gipasalig sa opisyal nga ihatag sa PNP ang tanang tabang ug benepisyo sa pamilya ni Tangonan.
Nanganti sab kini nga dili moundang ang kapulisan hangtod di madakpan ang mga suspek.
Subay sa police report, gipaulanan ug bala sa duha ka suspek nga sakay sa brown Toyota Innova ang gisakyang Toyota Hilux sa biktima samtang galawig kini sa Barangay Libertad Abulug, Cagayan.
Dali nga mikagiw ang mga suspek human sa krimen.
Hulagway gikan sa PNP
Facebook Conversations