Balhog sa prisuhan ang usa ka 51-anyos nga taga-Digos City, Davao del Sur human kini nadakpan sa Sirawan checkpoint nga nagbitbit ug ilegal nga droga, Disyembre 31.
Giila sa Task Force Davao ang dinakpan nga si Gregorio Wenceslao,lumulopyo sa Digos City.
Sakay si Wenceslao ug taxi gikan sa Davao del Sur pasulod sa dakbayan sa Davao sa dihang nasakpan nga dunay dalang droga atol sa gihimong mandatory inspection.
Nakuha sa possession sa suspek ang 2.5 gramos nga gituhuang shabu nga mubalor sa P40,000 ug drug paraphernalia.
Kasamtangang tanggong sa Toril Police Station ang dinakpan samtang gihikay ang kasong atubangon.
Ang pagkasikop kang Wenceslao, sumala pa sa mga otoridad pagpamatuod lamang sa walay puas nga pagpatuman sa mandato sa security forces nga paniguruhong luwas ang syudad sa Davao sa tanang okasyon.
Hulagway: TF Davao
Facebook Conversations