Na-rescue sa BRP Antonio Luna (FF151) ang 35 ka mga mananagat human natuwad ang gisakyang banka sa bisinidad sa Cauayan Island, Cuyo, Palawan.
Unang nakadawat ug report ang Maritime Situational Awareness Center -West (MSACW) labot sa pagkayabo sa bankang FB Prince Edge 1.
Ang kapitan sa maong banka nga si Ronnie Vargas ug ang 34 ka mga crew gikaingong misakay sa duha ka gagmayng lifeboat ug nakahimo pa kini sa pag-abot sa Manamoc Island sa bahin sa Cuyo.
Ang BRP Antonio Luna, nagpahigayon ug maritime patrol Mission sa kadagatang sakop sa Palawan, maoy gitahasan nga mohimo ug rescue operation alang sa mga stranded nga mananagat.
Gisakay sa BRP Antonio Antonio Luna kagahapon ang mga mananagat ug gilayong gipailawom sa check-up, gipanghatagan ug limpyo nga senina ingon man pagkaon ayha gihatod sa ilang tagsa-tagsa ka lugar sa San Jose, Mindoro.
Hulagway: Western Naval Forces
Facebook Conversations