Dahil sa karagdagang supply ng bakuna, sinabi ni National Task Force Against COVID-19 Strategic Communications on Current Operations Head Assistant Secretary Wilben Mayor, mayroon nang "steady supply" ng bakuna ang bansa lalo na’t umabot na sa 147 million doses ng iba't ibang brand ng anti-COVID-19 vaccines ang kabuuang nai-deliver sa Pilipinas.
Anya, halos 60 milyong doses pa ang inaasahang maihahatid sa bansa bago matapos ang taong kasalukuyan.
Dahil dito ay hinikayat ni Mayor ang hindi pa bakunadong indibidwal na makiisa sa ikakasang tatlong araw na National Immunization Days mula December 15 hanggang 17.
Liban sa pagbibigay ng primary doses ay tuluy-tuloy din ang pagtuturok ng booster shots sa gitna ng banta ng bagong Omicron variant.
Target ng pamahalaan na maabot ang 90 percent ng target population na mabakunahan pagsapit ng unang kwarter ng 2022.
Contributed Photo
Facebook Conversations