Patay ang 44-anyos nga security guard sa Makabayan 97 security agency human pusila sa wa mailhing suspek sa Lanzones Kilometer 61, National Highway, Barangay Pandapan, Tagum City, alas otso pasado Lunes sa buntag (Marso 11).
Ang biktimang si alyas Ranil nadestino sa G-Mall Tagum ug residente sa Purok 8, Mipangi, Nabunturan, Davao De Oro, nagmaneho sa iyang motorsiklo gikan Nabunturan, kalit gipusil sa suspek sa makadaghang higayon hinungdan sa iyang kamatayon.
Nakuha sa crime scene ang upat ka basyo ug tulo ka balinis sa gituohang .45 caliber pistol.
Blangko pa ang kapulisan sa motibo sa krimen. Hinoon nagpadayon ang imbestigasyon sa Tagum Police sa maong insidente.
Hulagway gikan sa Tagum PNP/PRO 11
Facebook Conversations