Patay ang miyembro sa Paquibato Police Station human napusilan sa gipangitang pugante atol sa pagsilbi sa warrant of arrest alas-singko Miyerkules sa hapon (Nobyembre 6) sa Sitio Allon, Barangay Malabog Paquibato District, Davao City.
Biktima nailhang si Police Staff Sergeant Noel Marundan.
Nasayran nga dakpon unta sa grupo ni Marundan ang suspek nga si Nestor Dabawnon Ansayod Alyas Osie gipamusil niini ang operating team ug igo si Marundan.
Napatay sab sa operasyon si Osie kinsa nag-atubang ug kasong 2 counts of murder, kidnapping ug serious illegal detention, ug robbery.
Suma pa ni Captain Hazel Tuazon, tigpamaba sa Davao City Police Office nga gisilbi sa kapulisan ang lima ka warrant of arrest.
Gumikan sa kalayo og kahilit sa lugar, wala na makaabot sa balay-tambalanan ang pulis ug gideklarang kining dead-on-arrival sa Paquibato Hospital.
Facebook Conversations