Gikumpirma sa PNP Drug Enforcement Group (PDEG) ang pagkasikop sa usa ka Liberian nga nisulay pagpayuhot sa P55.3 million kantidad sa shabu sa Ninoy Aquino International Airport (NAIA) Lunes sa gabii, Hunyo 5.
Giila ni PDEG Director Police Brigadier General Faro Antonio Olaguera ang nadakpang suspek nga si Philip C Campbell, usa ka mechanical engineer.
Gidakop ang suspek sa mga operatiba sa PDEG, Philippine Drug Enforcement Agency (PDEA) ug NAIA Inter-Agency Drug Interdiction Task Group (NAIA-IADITG) 7:30 sa gabii sa NAIA Terminal 3 atol sa iyang pag-abot sakay sa Qatar Airways Flight QR 934 gikan Doha, Qatar.
Kini human makita sa iyang bagahe ang gibana-banaang 8 kilo sa shabu nga gitago sa “yellow powdery spices.”
Ang suspek, gidal sa buhatan sa PDEA, ug gikasuhan sa paglapas sa Republic Act 9165 o Comprehensive Dangerous Drugs Act of 2002.
Hulagway gikan sa PNP-PDEG
Facebook Conversations