Patay ang usa ka 71-anyos nga lolo human mabanggai og armored car alas 7:30 Lunes sa buntag (Enero 2) sa Quirino avenue corner Magallanes street, Davao City.
Ang biktima giila nga si Philip Cabesas Ibale, lumulopyo sa Sta. Cruz Kaputian District, Island Garden City of Samal, Davao Del Norte.
Subay sa report gipagula sa hepe sa San Pedro Police Station Police Major Marvin Hugos, nabanggaan ang biktima atol sa pagtabok niini subay sa pedestrian lane nga atol sab miliko ang armored vehicle paingon sa Magallanes Street.
Naguyod sa armored car ang biktima ug wala na kini natabang pa sa dihang girespondehan sa medical team sa Central 911.
Ang armored car gimaneho sa usa ka Francis Ralph Spandonis Caputolan, 24-anyos nga taga- Trento Agusan Del Sur, kinsa priso karon sa San Pedro Police station.
Hulagway gikan sa San Pedro Police Station
Facebook Conversations