Patay ang usa ka lokal nga terorista sa enkwentrong nahitabo tali sa tropa sa 51st Infantry Battalion ug 10 miyembro sa Daulah Islamiyah sa Barangay Kalaludan, Pagayawan, Lanao del Sur.
Sumala pa kang Major General Antonio Nafarrete, Commander sa Joint Task Force ZamPeLan, gibilin sa mga kalaban ang namatay nila nga kauban human sa bakbakan.
Narekober sa mga tropa sa encounter site ang patayng lawas sa terorista ug usa ka M653 rifle kalakip ang magasin ug bala.
Gidayeg ni Western Mindanao Command (Westmincom) Commander Lieutenant General Roy Galido ang mga tropa sa malampusong operasyon.
Nagpasalamat sab ang Heneral sa suporta sa tanang stakeholders sa pakigtambayayong paingon sa maluntarong kalinaw ug progreso sa Mindanao.
Facebook Conversations