Subay sa tahu sa Sta. Cruz Police Station, giila ang biktima nga si Jonathan Ponso, 35 anyos, byudo, ug lumulopyo sa Purok 17,Guihing Hagonoy sa maong probinsya.
Nasayran nga nabanggaan kini sa usa ka Hyundai Bus nga gipanag- iyahan sa munisipalidad sa Maco, Davao de Oro.
Ang bus gimaneho ni Reynaldo Boaquin Yuson, 43 anyos nga taga-Purok Alauya Binuangan, Maco, Davao de Oro.
Migawas sa imbistigasyon nga wala maalinggati sa biktima atol sa iyang pagtabok nga dunay naghaguros nga sakyanan.
Nakahiagum ang biktima ug mga bali sa nagkadaiyang parte sa iyang kalawasan hinungdan sa kamatayon niini.
Gisapopo pa kini sa Marpe Hospital apan gideklarang patay na sa attending physician Dr. Emil Almasan.
Nakakulong na ang driver sa Sta. Cruz Police station.
Hulagway gikan sa Sta.Cruz PNP
Facebook Conversations