Dakpan sa mga ahente sa Philippine Drug Enforcement Agency (PDEA) ug National Bureau of Investigation (NBI) ang usa ka empleyado sa barangay ug call center agent atol sa drug-buy-bust operation niadtong Abril 30 sa hapon sa Banana Street, Ulha Village, Barangay Talomo Proper, Davao City.
Target sa operasyon ang drug den maintainer nga si Juvylyn Valenteros Reyes alyas Juvy, 46 years old, single, call center agent, ug residente sa maong lugar.
Atol sa operasyon, ang iyang drug den employee nga nagtrabaho sab sa Barangay giilang si Jeffrey Amoranto ug drug den visitor Christopher Silao sikop sab sa otoridad.
Mukabat sa 13 gramos sa gituhuang shabu kantidad sa P88,400 ang nakuha sa raiding team gikan sa mga dinakpan.
Apil nga nakuha ang assorted drug paraphernalia ug buy-bust marked money.
Kasong paglapas sa Republic Act 9165 o Comprehensive Dangerous Drugs Act of 2002 giandam na batok sa dinakpan
Hulagway gikan sa PDEA
Facebook Conversations