Patay ang Barangay Kagawad human gipusil pasado alas-10 Domingo sa gabii (Mayo 2) sa Purok 6, San Roque, Digos City.
Giila sa Digos City Police Station ang biktima nga si Rey Emecino Colita, 47 anyos, barangay kagawad sa San Roque.
Subay sa imbestigasyon sa kapulisan, igo ra niuwang sa away sa mag-live-in partner ang biktima sa dihang gipusil sa suspek nga nailang si Jayradee Busadre Frande, 35 anyos, karpentero.
Girespundihan ni Colita kauban si kagawad Ronelo Awe ang tawag labot sa away sa suspek ug ang kapuyo niini, apan nasuko matod pa ang suspek kinsa hubog niadtong tungura rason sa pagpusil niini sa biktima.
Nahitabo ang insidente atol sa gipahigayong disco isip kabahin sa ilang pagsaulog sa Araw ng Barangay.
Padayong gipangita sa mga otoridad ang suspetsado.
Facebook Conversations