Warrant of arrest batok Pastor Quiboloy, gigunitan na sa DCPO

Ruth Palo

Editor

posted on 2 years ago — updated on 1 second ago

1,088
views

Gikumpirma sa Davao City Police office nga ila nang nadawat ang warrant of arrest nga gipagawas sa Davao City Regional Trial Court batok kang Kingdom of Jesus Christ The Name Above Every Name leader Pastor Apollo Quiboloy.

Atol sa AFP-PNP Press Corps media briefing, Miyerkules sa buntag (April 3), gibutyag sa tigpamaba sa DCPO Captain Hazel Tuazon nga ilang nadawat ang warrant of arrest adlawng Martes, Abril 2.

Sumala pa ni Tuazon, naka-schedule karong Miyerkules sa hapon, Abril 2 ang meeting kauban si Police Regional Office (PRO) 11 director Brigadier General Alden Delvo ug hepe sa DCPO, Colonel Richard Bad-ang labot sa detalye sa mamahimong pagdakop o pagsurrender ni Pastor Quiboloy.

Gipaniguro hinoon sa opisyal ang kaluwasan sa pastor sa higayong madakpan kini.

Si Pastor, uban sa lain pang lima ka opisyal sa Kingdom nag-atubang sa kasong Child Abuse ug Sexual Abuse ilawom sa Republic Act 7610. Kini basi sa gipagawas nga warrant of arrest ni RTC Branch 12 Judge Dante Baguio.

Samtang gapaabot sab ang PRO 11 sa komunikasyon gikan sa Office of Sergeant at Arms kung kanus-a isilbi ang warrant alang kang Pastor tungod sa wala pagsipot niini sa mga pagdungog sa senado.