Walay nakit-ang seryosong hulga ang PNP sa Barangay ug Sanguniang Kabataan Elections (BSKE) karong umaabot nga Lunes (Oktubre 30).
Kini ang gibutyag ni PNP chief Police General Benjamin Acorda Jr. sa press conference sa camp Crame Lunes sa hapon.
Sumala pa kang Acorda, 356 barangay ang klasipikado ilawom red category, o “areas of grave concern”, 1,323 anaa sa orange category, 1,231 barangays ubos sa yellow category, ug 39, 114 barangays walay problema sa seguridad.
Sagad matod pa sa mga lugar nga anaa sa red category makita sa Bangsamoro Autonomous Region, busa nagpadala na ang PNP ug 800 pulis gikan sa National Capital Regional Police Office (NCRPO) ug Special Action Force sa rehiyon isip augmentation Force.
Hinoon, sumala pa sa opisyal “in order” ang pangkinatibuk-ang sitwasyon sa tibuok nasod ug “go” na ang tanan alang sa eleksyon sa Lunes.
Facebook Conversations