Sa iyang pahayag, giila ni Duterte nga dili angay maangin ang ilang mga higala sa pagpangharass tungod lamang sa pagpakighigala ug pagsuporta sa ilang pamilya.
“Dili ninyo angay maagian ang pagpangharass tungod lang sa inyong pagpakighigala ug pagsuporta kanamo,” matod ni Duterte.
Nangayo usab siya og pagsabot ug pagkamapailubon sa iyang mga kaigsuorang Dabawenyo, samtang nagpahayag sa paglaom nga moabot ra ang panahon nga mahuman ang mga panagbangi.
Gipasalamatan usab sa kongresista ang dugay nang pagsalig ug pagpakig-uban sa ilang pamilya, ug nanghangyo nga dili tugotan nga ang politika makaguba sa panaghigalaay ug pagsalig sa usag usa.
Nagpaabot sa iyang dakong pagpasalamat ug respeto si Duterte sa mga tawo nga nagpabiling nagpakita og pagsuporta sa ilang pamilya bisan taliwala sa mga kontrobersiya.
“Pasayloa ko nga nadamay mo niini. Dako kaayo ang akong pagpasalamat ug respeto kaninyong tanan,” dugang niya.
Facebook Conversations