Gibutyag ni Police Regional Office 4A (PRO 4A) Regional Director Police Brigadier General Kenneth Lucas nga ilang giimbestigahan ang ilang usa ka pulis nga sumala pa karelasyon sa nawala nga beauty queen nga si Catherine Camilon.
Giklaro hinoon sa Heneral nga dili pa makunsiderang suspek ang sumala pa police major sa pagkahanaw ni Camilon.
Gipamugos ni Lucas nga Person of Interest pa lang kini sa kaso, subay sa mga pahayag sa testigo ug mga text messages nga siya ang katapusang nakauban sa dalaga.
Sumala pa kang Lucas, na-relieve na ang nahisgutang pulis ug gibalhin sa Regional Police Holding and Accounting Unit (RPHAO) samtang nagtuyok ang imbestigasyon.
Malaumon sab ang Heneral nga makit-ang buhi si Camilon.
Nasayran nga muabot na sa P250,000 ang reward money alang sa makatudlo sa gikahimutangan sa missing beauty queen.
Kahinumdumang October 12 pa nabaniug ang pagkawala ni Camilon nga mirepresent sa Batangas sa Miss Grand Philippines 2023 pageant.
Hulagway gikan sa Instagram ni Catherine Camilon
Facebook Conversations