Sumala pa kang Misamis Occidental Provincial Police Office (PPO) Spokesperson Alma Laurie Pescador, ilang ipailawom sa enhancement ang maong video aron klarong matumbok ang mga dagway sa mga suspek nga nakuhaan ug camera sa pagsulod sa gate sa 94.7 Calamba Golf FM.
Sumala pa ni Pescador, duna nay duha ka witness ang Special Investigation Task Group (SITG) sa insidente, kalakip ang usa ka empleyado sa Radio station ug ang babaeng working student nga nagpuyo sa balay sa broadcaster.
Nagpakaron-ingnong manawagan lang sa Radyo ang mga suspek 5:35 Dominggo sa buntag (Nobyembre 5) sa balay sa biktima hain nahimutang ang radio booth.
Sa dihang giabrihan ang gate sa empleyado, kalit kini nga gitutukan sa usa ka suspek samtang ang usa maoy nisulod sa booth ug nipusil sa biktima.
Upat ka anggulo ang gilantaw sa insidente, kalakip na ang posibleng kabangi samtang wala una gibutyag ang lain pang tulo.
Samtang sa pikas bahin, gipagawas na sa sa PNP ang facial composite sketch sa usa sa mga suspek.
Gibana-banaang anaa sa 5'5 hangtod 5'6 ang gitas-on sa suspek, may edad nga 40 anyos pataas ug medyo itumon ang pamanit.
Nakasul-ob ang suspek ug ng pula nga kaloy, color green nga t-shirt ug color ito nga shorts sa dihang nahitabo ang krimen.
Nanawagan ang PNP si bisan kinsa nga dunay impormasyon sa gikahimutangan sa suspek gilayong ipaabot kini sa kapulisan.
Kini ang kuha sa CCTV atol sa pagsulod ug pagpatay sa suspek kang Jumalon/contributed video
Facebook Conversations