Gikumpirma ni PNP Chief Police General Benjamin Acorda Jr. nga dili mga pulis ang nanglungkab sa pawnshop sa Koronadal City sa nilabayng semana.
Gibutyag ni Acorda atol sa press conference sa camp crame Lunes sa buntag, duna nay lead ang PNP sa identity sa 6 nga suspek, kalakip na ang duha nga nakasuot ug uniporme sa pulis, nga nakuhaan sa CCTV sa maong pawnshop.
Basi sa kuha CCTV, unang nisulod sa pawnshop ang duha nga nagpakaron-ingnong mga pulis ug gidisarmahan ang mga gwardya, samtang ang uban pang miyembro sa grupo maoy nikawat sa mga alahas ug kuwarta sa pawnshop.
Gipaniguro ni Acorda nga gihimo sa PNP ang tanan alang sa sayong pagkasikop sa mga suspek.
Nitanyag na sab ug P500,000 ganti ang Koronadal City Local Government Unit sa makahatag-impormasyon sa gikahimutangan sa mga suspek.
February 26, 2024
Facebook Conversations