Kini gipangunahan ni OPAPRU Eastern Mindanao Director Atty. Elisa D. Evangelista-Lapiña uban ang mga personahe sa Area Management Unit — Caraga Region diin gilatag ang mga lakang, dokumento ug uban pang rekwesitos aron maplastar ang Peace Center nga ginganlang “Kagawasan 143” sa Probinsyal nga Panggamhanan sa Agusan del Norte.
Ang “Kagawasan 143” Peace Center nahimutang sa Bancasi, Butuan City kung diin gi-lauman kini na maghatag og serbisyo ingon man ang pagpadagan sa mga programa ug proyekto nga gilangkuban sa programang Transformation Program kon TP sa OPAPRU para sa mga kanhi rebelde.
Apil niini ang mga health, psychosocial ug legal services, counseling sessions, skills training, livelihood, and employment referral, ug ang processing sa mga benepisyo ubos sa Enhanced Comprehensive Integration Program kon E-CLIP.
Matud pa ni Lapiña gawas sa mga serbisyo para sa mga kanhi rebelde, ang maong buhatan ang mag-coordinate sa operasyon aron hapsay ang implementasyon sa mga programa ug serbisyo.
Lakip na dinhi ang pag-facilitate ug pagtabang sa lokal nga panggamhanan alang sa katumanan ug kalampusan sa Transformation Program (TP) sa OPAPRU pinaagi sa pagmuntar sa Kagawasan 143 Peace Center.
Nisaad sab ang probinsya ug suporta aron mapakusgan ang mga serbisyo ug programa ingon man ang mga proyekto para sa sa mga kanhi rebelde New People's Army (NPA).
Gipasalamatan ni Lapiña ang liderato ug mga opisyal sa Probinsyal na Panggamhanan sa Agusan del Norte nga gipanguluhan ni Governor Maria Angelica Rosedell Amante, kapulisan, militar ug mga ahensya sa kagamhanan sa suporta sa TP nga gipatuman sa OPAPRU- Eastern Mindanao.
Kini subay sa katuyuan sa Executive Order No. 70 sa pagtapos armadong pakigbisug o End Local Communist Armed Conflict (ELCAC). (OPAPRU EASTERN MINDANAO MEDIA)
Hulagway gikan sa OPAPRU
Facebook Conversations