Sumala pa sa tigpamaba sa PRO 11 Major Catherine Dela Rey atol sa AFP-PNP Press Corps briefing Miyerkules sa buntag (Setyembre 27) sa The Royal Mandaya Hotel di nila pasagdan ang nabiling pamilya sa mga biktima labina ang bugtong anak-babaye niini.
Nasayran nga usa ka 19-ayos nga lalaki nga sakay sa kotse nga giingong nakainom ang suspek sa dihang naligsan niini sila Police Master Sergeant Ronald Pombo, 39 anyos, nadestino sa Davao Occidental Provincial Police Office ug misis niini nga si Sheila Amor Pombo, 41 anyos, pulos residente sa Bohol Avenue, Aplaya, Digos City.
Ang suspek giilang si Alyas Rick, 19 anyos, lumulopyo sa Zone 2, Digos City.
Nasayran nga susamang nagbiyahe ang duha sa Quezon Avenue sa parehong direksyon gikan sa Tres de Mayo paingon sa Rizal Avenue, Zone 1 dakbayan sa Digos.
Apan sa dihang naabot ang duha sa nahitabuan, nabanggan sa SUV ang likod nga bahin sa gisakyang motorsiklo sa mga biktima hinungdan nga nakahiagom kini ug di tiaw nga samad sa kalawasan.
Patay na nga nahidangat sa Davao del Sur Provincial Hospital ang babaye samtang hikabsan sa kinabuhi ang pulis sulod sa pribadong ospital.
Nag-atubang sa kasong reckless imprudence resulting to multiple homicide, serious physical injury, ug damage to property ang suspek kinsa gawasnon human nakatunol ug pyansa sa korte.
Nagpaabot sa ilang pahasubo ang PRO 11 sa pamilya sa namatayng magtiayon dungan sa paghatag kasiguraduhan nga mahatagan ug hustisya ang kamatayon sa pulis ug kapikas niini.
Matod ni Dela Rey, mutabang ang PRO nga mapaspasan ang proseso sa paghatag sa benipisyo sa pulis.
September 27, 2023 Maj. Catherine Dela Rey, PRO 11 spokesman
Facebook Conversations