Gipasabot ni PNP-SOSIA Director Brigadier General Gregory Bogñalbal gidili sa mga guwardia ang pagsul-ob ug Christmas Costume sama sa Santa Claus sanglit pwede sab mag-costume ang mga kriminal ug malutsan ang mga nagbantay sa mga mall ug terminal.
Gawas niini, bawal sab ang paghimo ug laing trabaho sa mga security guard gawas sa ilang gimbuhaton lakip na dinhi ang pag-akto isip utility, parking attendant, service crew ug janitor.
Ingon ni Bogñalbal, isip force multiplier sa mga pulis, dapat nakatutok ang mga security guard sa pagbantay.
Kung ugaling musupak ang mga sikyu sa palisiya, makamulta kini ug P500 hangtod P1, 000 alang sa unang kalapasan pwede sab mutaas depende sa pipila ka higayon nga pagsupak.
Mamahimo sab masilutan ang ilang security agency ug pwede sab mabawian ug lisensya.
Facebook Conversations