Ginasuta sa Armed Forces of the Philippines (AFP) ang nigawas nga tahu labot sa pag-ako sa Islamic State nga sila ang responsable sa pagpamomba sa Mindanao State University sa Marawi Domingo sa buntag (Dec. 3).
Kini ang gobutyag ni AFP Public Affairs Office Chief Colonel Xerxes Trinidad dungan sa pag-ingon nga ila sab gilantaw ang posibleng kalambigitan sa Daula-Islamiya- Maute Terror Group sa insidente.
Sumala pa sa opisyal, nakig-alayon ang militar sa Philippine National Police (PNP) aron masuta ang “bomb signature” nga makatabang sa pagtumbok sa mga responsable sa insidente.
Dugang ni Trinidad nga naka-heightened alert ang AFP aron masiguro ang kaluwasan sa publiko ug mapaspasan ang pag-nutralisa sa mga suspetsado.
Gipamugos ni Trinidad nga “committed” ang AFP sa iyang mandato nga proteksyunan ang publiko ug estado gikan sa tanang lokal ug langyawng hulga.
Facebook Conversations