Sumala pa sa hepe sa Talomo Police Station Major Rosario Aguilar di pa nila matumbok kung pila ka mga tawo ang nisulod ug nangawat sulod sa establisyemento.
Dugang ni Aguilar nga kalakip sa ilang gisuta ang schedule sa in and out sa mga empleyado niini, ang sulod-gawas nga mga merchandisers, lakip na ang security guard.
Kasamtangang nangalap ug video footages gikan sa CCTV cameras sa mga establisiyemento nga duol sa Choicemart ang mga imbestigador.
Gibutyag ni Aguilar nga wa silay madawdaw nga video footage sa CCTV camera sa Choicemart sanglit gikuha sa mga tulisan ang hard drive niini.
Nakigkoordinar sab kini sa mga opisyal sa barangay aron ilang masuta ang mga bag-ong nagpuyo sa lugar.
Nagtuo si Aguilar nga organisado ang grupong nilungkab sa Choicemart lakip na ang duha ka ATM machines sanglit tataw nga planado ug gitun-an pag-ayo ang krimen.
Narekober sa kapulisan ang lima ka botilya sa juice drinks.
Ang mga suspek gituhuan nga niagi sa manhole sa kanal paingon sa ilawom establisiyemento ug hangtod nga ilang giguba ang sementadong salog sa pharmacy area.
Naghangyo si Aguilar sa publiko nga mokooperar sa mga awtoridad kung dunay nasayran labot sa insidente aron masulbad, mailhan, ug madakpan ang mga suspetsado.
Talomo COP Major Rose Aguilar
Facebook Conversations