Mukabat sa 11,747 residente sa dakbayan sa Mati sa Davao Oriental ang nabakunahan sulod sa tulo ka adlaw nga bayanihan bakunahan gikan Nobyembre 30 hangtod Disyembre uno.
Subay sa report sa Mati City Information Office, nasayran nga sa unang adlaw sa bayanihan bakunahan, nakatala ang Mati ug 5,137 nga mga nagpabakuna. Kini matod pa ang pinakataas nga ihap sa mga nagpabakuna sukad gisugdan ang vaccination rollout sa syudad sa milabayng Marso niining tuig kasamtangan.
Nagpadayag sa iyang dakong kalipay ang alkalde sa syudad Michelle Rabat sa malampusong bayanihan bakunahan ug gani gibutyag niini nga magpadayon gihapon ang bakunahan kada adlaw para masiguro gayud nga ilang makab-ot ang herd immunity.
Gibutyag sa mayor nga ipadayon sa lokal nga gobyerno ang Libreng Sakay alang sa mga magpabakuna.
Hulagway: Mati City Information Office
Facebook Conversations