Wala pay pinal nga hukom ang gobyerno sa hangyo sa Estados Unidos nga dawaton temporaryo sa Pilipinas ang pipila ka libong Afghans kansang kinabuhi nabutang sa peligro.
Ang pahayag gihimo ni Department of National Defense Secretary Gilbert Teodoro, dungan sa pagpasabot nga ang mahimong desisyon sa kagamhanan nakadepende sa balaod sa Pilipinas.
Giklaro sa kalihim nga dili “humanitarian considerations” ang magdetermina sa desisyon sa gobyerno kundi ang legalidad sa maong hisgutanan.
Gipasabot ni Teodoro nga gihulat pa ang opinyon sa Department of Justice (DOJ) kung itugot kini sa immigration laws sa nasod.
Subay niini, sumala pa ni Teodoro nga gitun-an sab sa gobyerno ang tanang implikasyon sa pagsulod sa libuang mga Afghans.
Apan gipamugos sa opisyal nga kung supak sa immigration laws, wala na kunoy angay pang istoryahan.
Facebook Conversations