Hugot nga gipahinumduman ni PNP Chief Police General Benjamin Acorda Jr. ang tanang mga pulis nga magpabiling apolitical ug dili mosuporta o mokuyog sa mga grupong nanlimbasug nga buwagpn ang Mindanao sa Pilipinas.
Sa press conference sa Camp Crame, gipahayag ni Acorda nga aktibong naka-bantay ang counter-intelligence sa PNP sa tibuok hut-ong sa kapulisan.
Hinoon, sa pagkakaron, wala pay pulis nga na-monitor nga misuporta sa maong lakang.
Sumala sa opisyal, nihatag na sab ug commitment ang mga ground Commanders sa PNP nga solidong nagpaluyo sila sa liderato uy konstitusyon.
Bahad sa PNP Chief, kung duna man sa ilang hut-ong mahibaw-ang nisuporta sa mga grupong nagbandilyo sa pagkabahin-bahin sa Pilipinas, i-relieve dayon kini sa pwesto.
Facebook Conversations