Gipalayas sa mga tropa nga naka-istasyon sa BRP Sierra Madre ang mga gagmayng banka sa China nga nangolekta ug water samples sa bisinidad sa Ayungin shoal.
Subay sa mga hulagway nga gipagawas ni Philippine Navy Spokesperson for the West Philippine Sea Commodre Roy Vincent Trinidad, nakit-ang nangolekta ug water sample sa gilay-ong usa ka kilometro gikan sa BRP Sierra Madre ang 4 nga sampan ug 2 rigid hull inflatable boat (RHIB) sa China niadtong Abril 21.
Ang nahisgutang mga banka nagikan sa sa 3 Chinese research vessel nga naka-standby sa bisinidad sa Ayungin shoal.
Isip tubag, nagdeploy ang BRP Sierra Madre ug 2 RHIB aron i-monitor ang aktibidad ug pahawaon ang mga banka sa China sa lugar.
Suma sa Philippine Navy, nibiya hinuon ang mga Sampan ug RHIB sa China ang lugar nga walay insidente.
Photo from Commodore Roy Vincent Trinidad
Facebook Conversations