Na-rescue sa Indian Coast Guard ang tanang 24 ka tripolante, lakip dinhi mga Pilipino human mitakilid ang barkong MSC ELSA 3 nga dunay flag sa Liberia sa baybayon sa Kochi, India Lunes sayo sa buntag, Mayo 26, 2025.
Ang Indian Coast Guard (ICG) ang ni-rescue sa 21 crew, samtang gisalbar sab sa Indian Navy ship Sujata ang lain pang tulo.
Nasayrang karga sa Barko ang 640 containers, 13 niini adunay delikadong kargamento ug 12 ka container adunay calcium carbide.
Nagkarga sab kini og 84.44 metric tons diesel ug 367.1 metric tons furnace oil.
Human sa hitabo, naglusad Gilayon ang Indian Coast Guard gamit ang aircraft nga dunay oil spill mapping system ug full-scale Pollution Response operation.
Hinoon, sa pagkakaron, wala pay gikareport nga oil spill sa kadagatan.
📷 Indian Coast Guard
Facebook Conversations