Naglusad ug intelligence gathering ang Philippine National Police (PNP) sa kapin kon kulang 3-libong pasaway nga mga pulis aron makasuhan.
Sumala pa kang PNP Chief Police General Benjamin Acorda Jr. Kalakip na dinhi ang dunay kalambigitan sa ilegal nga droga, pagpangilkil, ug uban pang ilegal nga kalihukan.
Dugang ni Acorda, duna na siyay gihatag nga kamanduan sa mga intelligence operative nga trabahuo ug maayo ang mga “scalawag” sa hut-ong sa PNP aron masiguro nga dili na subling makabuhat ug ilegal nga aktibidad.
Sumala pa sa opisyal, iya sab gipasidan-an ang mga commanders nga paniguruhong hapsay nga migana ang ilang CI o counter intelligence aron gilayong matumbok ang mga pasaway nga mga pulis.
Gidasig sab sa PNP Chief ang publiko nga itug-an ang mga hiwing binuhatan sa mga pulis aron matabangan ang PNP sa paghinlo sa ilang hut-ong.
Hulagway gikan sa PNP
Facebook Conversations