Sumala pa sa tigpamaba sa BJMP 11 captain Edo Lobenia atol sa AFP-PNP press corps briefing sa niaging Miyerkules sa The Royal Mandaya Hotel nga angay nga tibuok komunidad ang magtinabangay aron dili pabalik-balik ang nga drug personalities sa prisuhan.
Subay sa obserbasyon sa BJMP , dunay daghang mga persons deprived of liberty (PDL) nga nakagawas na unta sa kulungan tungod sa plea bargaining agreement apan nibalik gihapon kini sa ilang pasilidad tungod sa pagkalambigit gihapon sa ilegal nga droga.
Gipasabot ni Lobenia nga angayng pakusgan ang social integration sa matag komunidad ug mahatagan ug higayon nga subling makabangon sama sa gihimo sa National Task Force on Ending Local Communist Armed Conflict (NTF-ELCAC)o Executive Order (EO) 70 sa mga misurender nga miyembro sa New People’s Army (NPA).
Dugang ni Lobenia mausik lang ang war on drugs sa gobyerno kung pabalik-balik ang problema ug dili masolusyunan.
“Makikita natin na we don’t have an after care program. Hopefully with the incoming administration, we appeal, like what they have done to our former rebels the EO 70, we hope and pray also for the BJMP so that our former PDLs will have an opportunity especially on living the life with their families,” pahayag ni Lobenia.
“We need to give them entrepreneurial opportunities, halfway houses, and facilitate social integration,” dugang saysay ni Lobenia.
Captain Edo Lobenia, tigpamaba sa BJMP 11
Facebook Conversations