Mipatim-aw mismo sa Davao City Police Office (DCPO) atol sa press conference ang katorse anyos nga babaye nga taga- Binugao, Toril uban sa iyang ginikanan ug gipaklaro nga walay kidnapping nahitabo kaniya.
Saysay sa bata nga nilakaw siya sa ilang balay niadtong Agosto 27 human siya gikasab-an ug gi-embarguhan ug cellphone sa iyang inahan. Alas siyete sa gabii niadtong adlawa, nilakaw kini ug niadto sa daplin sa kalsada duol sa Binugao Gym, gihunungan matod pa siya ug pick-up color pula ug gipangutana kung asa siya paingon. Boluntaryo matod pa siya niuban ug nisakay.
Matod pa ni alyas Joy, samtang naa sila sa sakyanan, nihangyo mayod pa ang driver nga makighilawas ug dinhi na matod pa siya niaksyon ug kahadlok ug kabalaka.
Naabot pa sila sa General Santos City ug didto na siya nakahigayon nga muipsot sa taong nagdala kaniya. Nakapangayo matod pa siya ug tabang sa kapulisan sa GenSan.
Dugang sa 14-anyos nga wala matod pa siya mahilabti sa suspek.
Mismong ang Gen San Police ang nakig-alayon sa Toril Police Station sa Davao City labot sa gikahimutangan sa biktima.
Hangtod karon padayong gi-establisar sa kapulisan ang identity sa suspek nga gihulagway sa bata nga anaa sa 50-anyos pataas, lagumon, ug mubuon.
Samtang, gipaklaro usab sa dise-siyete anyos nga si Christine Mae, residente sa Matina Aplaya ning syudad nga biktima kini sa pagpangdagit.
Ingon ni Christine, Agosto 23 sa dihang nilakaw siya sa ilang balay nga walay bitbit nga sapot. Nisakay matod pa siya ug bus paingon sa Bukidnon gamit ang kuwartang giingong iyang pang- enroll sa Philippine Women’s College.
“Walay nahitabo nga kidnapping kay ako mismo nihawa sa among balay tungod sa personal issues ug sa health problem nako mao tung nihawa ko sa amua. Gina-clarify lang gyud nako kay ang ubang post exaggerated na nga gikidnap ko pero wala gyud kini mahitabo,” matod pa sa saysay ni Christine.
Nagpasalamat ko sa effort sa Ecoland Police ug sa Davao City Police nga nangita sa akua.
Matod pa ni Christine, usa ka Lola matod pa ang nitabang ug nagpapuyo sa iya pag-abot niya sa Bukidnon hangtod sa petsa 28 sa Agosto.
Wala matod pay dautang nahitabo kaniya sukad nga siya nilakaw sa ilang balay. Naa lang kuno siyay gihambin nga health problem butang nga nilakaw siya sa ilang pinuy-anan aron kuno manarbaho.
Nangayo ug pasaylo si Christine sa iyang pamilya, ug mga kapulisan sa problema ug hasol nga iyang nahatag sa iyang paglayas.
Nakauli si Christine sa iyang balay human nga gisundo siya sa iyang iyaaan ug uyuan. Gisaway ni Christine ang mga maritess sa social media nga gapakatag ug mga fake news nga siya gikidnap.
Hinuon aminado nga iya usab sayop ang nahitabo.
Gimahayan pag-ayo sa duha ka menor de edad ang ilang salawayong gibuhat nga nakamugna ug alarma, kahasol sa katawhan ug mga awtoridad.
Gipasalig hinuon sa kapulisan pinaagi ni City Director Colonel Alberto Lupaz nga tabangan si Christine nga maka-enroll ug makapadayon sa pagtungha sa pagka-grade 12.
Samtang ang ginikanan sa 14-anyos, nakahukom nga ila una papahuwayon sa pag-eskwela ang ilang anak human sa trauma nga nahiaguman niini.
Mga pagmahay ang gipasibaw sa duha ka mga bata human nahiaguman ang dili maayong epekto sa ilang paglayas.
Ang duha, gipailawom sa counselling sa women’s and children’s protection desk sa Ecoland Police Station ubos kang Major Rose Aguilar ug Toril PNP sa pagdumala ni Major Carol Jabagat.
Facebook Conversations