Sigun sa tahu sa Police Regional Office (PRO) 11, napatay sa mga intelligence officers sa Mandug Police station ubos sa Davao City Police Office ang wala mailhing suspek atol sa Araw ng Barangay Waan.
Ang biktima sa holdap nga si Maye An Acompañado Cole, nagbaktas sa may Kilometer 10, Purok 16, Brgy. Tigatto, Buhangin District, Davao City sa dihang kalit kining giduol sa suspek ug dayon deklara ug holdap dungan sa pagbira sa sling bag sa biktima nga dunay sulod nga P300 cash, cellular phone, ug identification cards.
Apan, malas ang suspek tungod kay wa kini kaipsot sa mata sa mga awtoridad, inay nga mosurender, nagpabuto kini sa duha ka higayon gamit ang kalibre 45 nga pistola busa napugos ang mga pulis sa pagdepensa sa ilang kaugalingon.
Nakuha gikan sa crime scene ang usa ka caliber COLT 1911, caliber .45, magazine, bala, duha ka baseyo sa caliber .45, tulo ka baseyo sa 9MM, shoulder bag color blue, ug uban pang personal nga gamit nga iya ni Cole.
Gidayeg ni PRO 11 director Brigadier General Benjamin Silo Jr ang paspas nga pagresponde sa mga kapulisan sa maong insidente.
Lakip nga gidayeg niini ang way puas nga covert and over area securities aron masiguro ang kaluwasan sa katawhan sa rehiyon.
Nagpasidaan sab si Silo sa mga pulis nga di magpanuko kung kinabuhi na ang nakatahan diha sa pagtamod sa ilang trabaho sa pagpanalipod sa komunidad ubos sa ilang mandato, “Kaligtasan nyo, Sagot ko.”
Hulagway gikan sa PRO 11
Facebook Conversations