Nagtuo si Commission on Elections (Comelec) Commissioner George Erwin Garcia nga walay sayop sa plano ni presumptive vice-president Sara Duterte nga buhaton ang oath-taking nga mas sayo kaysa sa opisyal nga pagsugod sa termino niini.
Sumala pa ni Garcia, tataw ang nakalatid sa batakang balaod nga ang pormal nga paglingkod sa pwesto sa presidente ug bise-presidente, gitakda sa Hunyo 30, 12:01 sa udto.
Apan wala kunoy nagdili sa mga midaug nga kandidato nga manumpa ug sayo bisag asang lugar ug bisan unsa kadaghan human sa proklamasyon.
Gihimong sanglitanan ni Garcia nga dunay mga kanhi pangulo sa nasod nga gihimo ang pagpanumpa, pipila ka minutos ayha ang pormal nga assumption of office.
Bisan kuno sa mga lokal nga kandidatong nidaug, mamahimo usab kini nila buhaton atubangan sa Huwes o notaryo alang sa nagkadaiyang rason sama sa pagpasalamat ug victory party.
Gawas niini, wala poy nasang-at nga kaso batok sa presumptive vice-president sa COMELEC.
Facebook Conversations