Gibutyag ni Acting Presidential spokesperson Karlo Alexei Nograles, dunay mga regional IATF sa ground ug kini ang bantay-sarado sa matag Local Government Units (LGUs) nga dunay pagsaka sa ihap sa kaso sa COVID.
Gipamugos sa kalihim nga dili sila magpanuko nga magtaas sa alert level sa mga lalawigan o mga highly urbanized cities kansang kaso sa makatakod nga sakit misaka.
Subay niini, nagpahinumdum ang palasyo sa mga lokal nga gobyerno nga kung ugaling dunay makita nga pagsirit sa kaso sa ilang tagsa-tagsa ka lugar, muhimo gilayon ug tukmang lakang.
Sumala pa ni Nograles, dapat mopatuman gilayon ug granular lockdown sa mga lugar nga sa ilang tan-aw, dapat siradhan sama na lang sa mga barangay, purok, ug street level.
Mamahimo usab ipatuman ang residential lockdowns kung gikinahanglan, matod pa ni Nograles.
Hulagway: Armando Fenequito Jr.
Facebook Conversations