Nakatakdang pasidunggan sa lokal nga kagamhanan sa Davao City ang libuang mga atleta nga nihakotbig medalya sa niaging Davao Region Athletic Association (DAVRAA) ug Palarong Pambansa 2026.
Sa pahayag ni Department of Education Davao City School's Division Superintendent Reynaldo Solitario, gibutyag niini nga ang Davao City LGU pinaagi sa Special Education Fund muhatag ug incentives sa mga naka-gold, silver, ug bronze medals sa DAVRAA ug Palarong Pambansa.
Sa mga gold medalist sa DAVRAA, makadawat ug P10, 000, P7, 000 Silver medalist, ug P5, 000 bronze medalist. Ang gold medalist sa Palaro P15, 000, P12, 000 sa silver, ug P10, 000 sa mga atletang naka-bronze medals.
Gitakda ang Parangal sa mga atletang Dabawenyo karong Hulyo 13 sa SMX Convention Center.
Ang Davao City, maoy third overall sa Palarong Pambansa 2026 nga gihimo sa Agusan del Sur nga dunay 34 Gold, 32 silver, ug 34 bronze medals.
Davao City School's Division Superintendent Reynaldo Solitario
Facebook Conversations