Basi sa impormasyon nga gipagula sa Davao Del Sur police office,ilang giila ang suspek nga usa ka Alias Bos-bos nga posibling sakop sa usa ka grupo sa gun for hire nga misibo ang hitsura sa gipagula nga cartographic sketch sa suspek.
Kahinumduman nga napatay ang sakop sa media nga si Dondon Dinoy pipila na ka simana ang milabay, human nga gipusil kini sulod sa iyang panimalay.
Sa pakighinabi ni Col.Giusseppe Geralde, ang Provincial Director sa kapulisan sa Davao Del Sur, kaniadtong milabay nga simana sa MIN Stream Media, duha ka anggulo angn ilang ginatan aw nga motibo sa pagpatay ngadto sa biktima, kini mao ang politika ug personal nga bangi.
Sa Pagkakaron napasaka na ang kasong murder batok sa gun man samtang ginapadayon pa ang imbestigasyon aron matudlo kung kinsa ang nagmando sa maong pagpatay. (BY RICHY NALAGON)
Facebook Conversations