Paspas karon ang ginabuhat nga imbestigasyon sa Tugbok Police Station, aron sayron kung kinsa ang inahan nga mibilin sa usa ka bag ong himugso nga bata sa Purok 10,Upper Tugbok ning dakbayan sa Davao,kaniadtong milabay nga adlaw.
Sumala sa post sa usa ka netizen,gibutang sa sagbuton nga bahin sa lugar ang bata nga wala pa naputol ang tinae sa pusod niini ug nagkadugo.
Sumala ni Police Major Noel Villahermosa ang Hepe sa Tugbok police station nakigkoordinar sila karon sa opisyales sa mga barangay aron,sayron kung kinsa nga inahan ang nagbilin sa maong bata nga babae nga ana na karon sa kustudiya sa Department of Social Welfare and Development kon DSWD.
Nanawagan usab ang otoridad sa mga tao nga posibling dunay impormasyon sa pagkatao sa inahan sa maong bata sa pag adto sa ilang buhatan.
Kaso ang atubangon sa maong responsabli panahon nga madakpan kini sa kapulisan.(BY RICHY NALAGON)
Hulagway: Apolonya Datwin
Facebook Conversations