Tanggong karon sa Digos Police station ang duha ka mga hamtong nga babae human madakpan sa pagkalambigit sa illegal nga sugal sa Old public Market Zone 3 siyudad sa Digos.
Pasado alas siete sa gabie adlaw nga domingo,sikop ang usa ka 55 anyos nga babae minyo, usa ka usher, residente sa Prk. Calumpang, Brgy . Cogon, Digos City, Davao del Sur.
Nakuha gikan sa posisyon niini ang usa ka listahan sa mga taya,duha ka bet stub,ballpen,ug ang pusta nga duha ka beinte pesos.
Samtang sa sama usab nga oras sikop usab ang usa ka 62 anyos nga babae nga usher gihapon,alang sa illegal nga numero nga sugal,ang dinakpan residente sa Brgy.Cogon sa mao gihapon nga siyudad ug nadakpan sa Zone 3.
Nakuha gikan sa posisyon niini ang mga gamit alang sa pagpusta sa maong illegal nga sugal ug pusta nga nagkantidad ug usa ka gatus ka pesos.
Ang mga dinakpan gidala na karon sa kwerpo sa kapulisan alang sa imbestigasyon. (BY RICHY NALAGON)
Hulagway: DavSur PNP
Facebook Conversations