Usa ka mangingisda nga gituhuang namaligya ug illegal nga druga ang sikop atol sa gipahigayon nga operasyon sa kapulisan, kaniadtong milabay nga adlaw sa Purok 8 Brgy. Ilang dakbayan sa Davao.
Ang kapulisan sa pagpamuno ni Police Major Reuben Libera Hepe sa Special Operations Group sa Davao City Police Office ug sa pakigkoordinasyon sa Bunawan Police Sation, miila sa dinakpan nga usa ka Akram Sahibel Jimlani 32 anyos mangingisda ug residente sa Purok 8, Brgy. Ilang Bunawan District siyudad sa Davao.
Atol sa gipahigayon nga buybust operation, napalitan sa usa ka operatiba sa kapulisan ang suspek ug illegal nga druga gamit ang P500 buybust money, resulta sa pagkasikop niini.
Ang illegal nga druga 0.2 gramos nga dunay kantidad nga P3,000 ka pesos.
Human sa pagkadakop sa suspek, gidala kini sa kwerpo sa kapulisan aron imbestigahan ug pasakaan ug kaso.
Hulagway: DCPO
Facebook Conversations