Subay sa report sa Davao City Police Office (DCPO), 1:50 sa hapon sa dihang nakadawat ug tawag ang Maa Police Station bahin sa pagdahili sa usa ka portion sa dumpsite sa maong lugar busa girespundihan gilayon kini uban sa koordinasyon sa Bureau of Fire Protection, Urban Search and Rescue, ug personahe sa Lokal nga kagamhanan sa Davao City.
Sa inisyal nga assessment, banda ala 1:15 sa hapon sa dihang nibigay ang portion sa labayanan ug basura tungod sa giingong "water build-up" sa ilawom nga bahin epekto sa sagunsong ulan.
Atol sa pagdahili, natabunan ang usa ka balay duol sa landfill hinungdan sa kamatayon n Cristel, 31 anyos, scavenger.
Samdan sab ang 16-anyos nga lalaki, residente sa Purok 8, Brgy. New Carmen, Tugbok District, Davao City ug si alyas Lilibeth.
Pabiling missing ang 78-anyos nga Lola Luisa ug ang 67 anyos nga si Rosita.
Nakig-alayon na ang Davao City Local Government Unit pinaagi sa City Social Welfare and Development Office (CSWDO) sa pamilya sa mga biktima aron masiguro ang dinaliang tabang.
Anaa na sa Barangay Gym duol sa Barangay Hall sa Purok 3, New Carmen, Tugbok nag-evacuate ang 123 ka mga pamilya nga dunay 374 katao human gipatuman ang f'orced evacuation' sa mga residente duol sa sanitary landfill.
📸 DCPO
Facebook Conversations