Priso karon sa Baliok Police Station ang usa ka lalaki human madakpan kini sa gipahigayon nga buy-bust operation sa Toril ning dakbayan sa Davao, gabie sa Enero 21,2022 .
Giila ang dinakpan nga usa ka Alias alias "JUNIOR", hamtong ang pangidaron, minyo, construction worker , ug residente sa Toril, syudad sa Davao.
Gidakop ang suspek human maaktuhan nga nagbaligya ug sachet sa illegal nga druga ngadto sa usa ka sakop sa kapulisan.
Nakuha usab sa posisyon niini ang lain pang duha ka mga sachets sa alegasyon shabu nga dunay gibug-aton nga usa ka gramo ug nagkantidad ug P 6,000.00.
Nakatakdang pasakaan ug kaso ang dinakpan gumikan sa paglapas sa RA 9165 o Dangerous Drugs Act of 2002.(BY RICHY NALAGON)
Hulagway: DCPO
Facebook Conversations