Nasayran nga niresponde ang kapulisan human nangayog tabang ang usa ka Leo Galupo, 37-anyos nga nagpuyo sa nahisgutang lugar human giingong gihasi sa suspek bitbit ang .45 pistol.
Alegasyon ni Galupo nga samtang anaa sya sulod sa iyang pinuy-anan, kalit nisulod ang suspek ug nanghasi pinaagi sa pagwara-wara sa armas.
Apan sa dihang namatikdan ni alyas Sihi, lumulopyo sa Tagum City, Davao del Norte nga dunay mga pulis, nibunot kini sa iyang dalang armas ug gipusil ang responding police officers.
Ug aron di maunhan ug makaangin pa ug mga sibilyan, wa na magduha-duha pa ang mga pulis, gipusil niini ang suspek rason sa nahiagumang samad-pinusilan.
Gidala pa sa mga otoridad ang suspek sa Southern Philippines Medical Center apan gideklarang patay ni Dr. Ayesha F. Radam, MD alas-7:14 sa gabii.
Nakuha sa kapulisan sa crime scene ang usa ka caliber .45 pistol; magazine; bala, ug mga baseyo sa armas.
Hulagway gikan sa Sta.Ana PNP
Facebook Conversations