Gituok nga maoy nakaingon sa kamatayon sa 72 anyos nga tiguwang babaye sa iya mismong anak tungod sa bikil didto sa Sulop,Davao del Sur niadtong Sabado sa gabii, Hulyo 29.
Ang biktima nailhang si Dulcisima Elardes Malinao, minyu, samtang ang anak nga suspetsado giila nga si Carlo Elardes Malinao nga pulos residente sa Purok 1, Barangay Poblacion, Relocation, Sulop Davao del Sur.
Nasayran nga nasaksihan mismo sa pag-umangkon sa suspetsado ang krimen. Gani nakapangayo pa kini ug tabang apan uwahi na ang tanan tungod nabugtuan gilayon og kinabuhi ang biktima.
Nadakpan ang suspek sa gilusad nga hot pursuit operation sa kapulisan human kini nisulay pag-ikyas.
Hulagway gikan sa Sulop PNP
Facebook Conversations