Basi sa tahu sa San Pedro Police Station, ang biktima giila nga si Vergelia Piamonte Darong samtang ang suspek mao si Francisco Delfino Darong, 74 anyos.
Naabtan na lang sa mga personahe sa San Pedro Police Station nga wa nay kinabuhi ang biktima sulod sa kuwarto sa magtiayon.
Saysay sa anak sa magtiayon nga si Cecilia Darong, iyang nadunggan ang iyang ginikanan nga nag-away ug nabati niya ang pagpanawag sa iyang inahan nga mugawas sanglit di na makontrol ang ilang amahan nga gagunit ug kutsilyo.
Dakpan ang suspetsado sa San Pedro Police ug nakuha sab ang duha ka kutsilyo nga gigamit sa pagpatay sa Misis.
Sa imbestigasyon sa kapulisan, gikan pa sa tuig 1995 nakasinati ug “depression” ug na-diagnose si Lolo ug “SCHIZOPHERNIA.”
Kasong parricide giandam na sa otoridad batok sa bana.
Gilayong gipusasan sa kapulisan sa San Pedro ang 74-anyos nga Mister human iyang napatay pinaagi sa pagdunggab ang misis, Martes sa kadlawon (Dec 26). Litrato gikan sa San Pedro PNP
Facebook Conversations