Unang nangayo ug tabang sa mga sakop sa Foot and Bike Patrol sa Davao City Police Office (DCPO) biktima o ang tag-iya sa ongbak nga si Bernardo Tocmo Caminade, 50 anyos human kini giingong gitulis samtang nagmaneho kini sa ongbak.
Suma sa saysay sa biktima, duha ka mga suspek nga iyang pasahero ang nitulis kaniya. Gihiktan matod pa sa usa ka suspek ang iyang liog samtang ang usa maoy nimaniobra sa ongbak. Dinhi matod pa natigayon ang komosyon.
Wa nay nahimo ang biktima gawas na lamang sa pagdangop sa kapulisan. Paspas nga narespundihan sa mga otoridad ang insidente pinaagi sa gilusad nga hot pursuit batok sa mga responsable.
Naabtan sa mga pulis ang mga suspek sa Purok13, Quarry, Brgy Tugbok Proper, Tugbok District, apan inay mosumite sa ilang kaugalingon, ang usa ka suspek namusil samtang ang usa nakasibat.
Patay na nga nahidangat sa Southern Philippines Medical Center (SPMC) ang napusilan nga subay sa nakuhang driver’s license niini giila kini nga si HILAL ALOYODAN MUSTAPHA, lumulopyo sa Marogong, Lanao del Sur.
Wa pa mailhi ang nakasibat nga lain pang kauban niini.
Hulagway gikan sa DCPO
Facebook Conversations